عربي
مهددة بالقتل..فتاة أردنية تنشر فيديو بعد هروبها من التحرش الجنسي المنزلي (شاهد)
نشرت فتاة أردنية تدعى ليان عشرينية العمر فيديو تتحدث فيه عن العنف المنزلي والتحرش الجنسي اللذان تعرضت لهما من قبل أفراد عائلتها، مما اضطرها للهروب إلى تركيا.
وناشدت الفتاة الجهات المختصة للتدخل لحمايتها من تهديدات القتل التي تتلاقاها من عائلتها، وبالأخص من والدها وأشقاؤها.
وروت :” طلعت من بيت أهلي بتاريخ 01/11/2020، طلعت منشان أدرس منشان أكون بأمان أكتر، هلا في ناس رح تحكي انو انتي واحدة ما بتستحي وانتي وحدة وقحة وناس رح ينتقدوني كتير وناس رح يوقفوا معي ..”
وأضافت:” غيري كتير انقتلوا ما بنعرف السبب، أنا قبل ما أنقتل رح أصور الفيديو، وأنزلوا لأني عم أتهدد، ..أنا كانوا اخواني يتحرشوا فيا بالبيت، عندي ثلاثة أخوان وثلاثة أخوات، كانوا اخواني الشباب يتحرشوا فيني كتير، أنا طلعت من بيتنا لانو بدي أدرس وطلعت لأنو بدي أخر شي كان كتير يصير في شغلات تحرش، وطردوا صحباتي من عندي من البيت وانضرب قدامهم من أخوي يلي أزغر مني .”.
وتابعت:” أنا يمكن حدا فاشل بالدارسة وما بحب الدراسة ودرست ومعدلي كان واطي مو عالي ونجحت توجيهي وبابا قالي رح أدرسك جامعة وشوفي كلية في تركيا وشفت التخصص يلي أنا بدي اياه، شهر تقريبا اخدني بابا اشتغل عندو بالمختبر وكنت اخد 130 دينار أردني..”
واستكملت:” موضوعي انو كانو يتحرشوا فيا جوا البيت وما كنت احكي وكان يا اما انقتل او اخواني ينقتلوا انا لي اموت وانا مش عاملة اي شي، بعمل كل شي بدهم اياه ليش انقتل..”
وناشدت في نهاية الفيديو بطلب المساعدة للخروج من المكان الذي تتواجد فيه، وليس لها مكان تقييم فيه حاليا.
المصدر: وكالات
